Þann 5. febrúar voru tilnefningar til Edduverðlauna gerð kunn.

Kraftur – Síðasti spretturinn var tilnefnd í flokki heimildamynda

Myndin fjallar um hestinn Kraft og knapann Þórarinn Eymundson. Þeir eru miklir félagar og sigursælt par á keppnisvöllum á Íslandi. Þeim stendur til boða að taka þátt í Heimsmeistaramóti íslenska hestsins í Hollandi 2007 og Tóti þarf að taka erfiðustu ákvöðunina á ferli sínum. Íslenski hesturinn hefur verið einangraður á eyjunni úti í norðri í meira en 1000 ár og vegna smithættu má ekki flytja hesta sem fara út heim til landsins aftur. Fylgst er með þeim félögum hér heima og á heimsmeistaramótinu, velgengni en einnig efasemdum og sálarstríði knapans. Einlæg og hrífandi mynd um samband hests og manns.

Hér eru tilnefningarnar til Eddunar í flokki heimildamynda

H E I M I L D A M Y N D Á R S I N S

Alfreð Elíasson og Loftleiðir
Leikstjóri Sigurgeir Orri Sigurgeirsson
Framleiðandi Heimildarmyndir

Draumalandið
Leikstjórn Þorfinnur Guðnason og Andri Snær Magnason
Framleiðandi Ground Control Productions

Hrunið
Dagskrárgerð Eiríkur Ingi Böðvarsson & Þóra Arnórsdóttir
Framleiðandi Ríkisútvarpið

Kraftur – Síðasti spretturinn
Leikstjórn Árni Gunnarsson, Þorvarður Björgúlfsson og Steingrímur Karlsson
Framleiðandi Skotta Kvikmyndafjelag, Kukl og Mystery

Sólskinsdrengurinn
Leikstjórn Friðrik Þór Friðriksson
Framleiðandi Frontier Filmworks

Heimildarmyndin Kraftur – Síðasti spretturinn er komin á Krókinn eftir tvær vel heppnaðar sýningarvikur í Sambíóinu í Kringlunni, þar sem tæplega 1.200 manns sáu myndina.

Sýningarnar verða miðvikudaginn 28. október og föstudaginn 30. október kl. 20:00. Hægt er að panta miða í síma 453 5216.

Menningarráð Norðurlands vestra úthlutaði sl. miðvikudag verkefnastyrkjum í síðari hluta umsókna ársins 2009. Hæsta styrkinn að þessu sinni fékk Skotta Kvikmynafjelag ehf. kr. 1.750 þúsund, vegna vinnslu heimildarmyndar um Bjarna Haraldsson, kaupmann á Sauðárkróki og þáttaraðarinnar Dansað á fákspori.

Afhending verkefnastyrkja fór fram í Kántrýbæ á Skagaströnd, en meðfylgjandi myndir tók Ingibergur Guðmundsson, framkvæmdastjóri Menningarráðs. Alls bárust 65 umsóknir þar sem óskað var eftir tæpum 47 milljónum króna. Á fundi sínum, 7. október sl., ákvað menningarráðið að úthluta verkefnastyrkjum til 52 aðila alls að upphæð 18.300.000 kr.

Kvikmyndaganrýnandi Popplands á Rás 2 var mjög ánægður og segir meðal annars: „Maður sér þarna hlið á grjóthörðum metnaðarfullum íþróttamanni sem opnar sig og sýnir sínar tilfinningar” ,  „Skemmtileg innslög eru í myndinni t.d. viðtöl við skagfirska bændur þar sem þeir koma með alveg frábæra lífsspeki og heimsspeki sem að í ljósi aðstæðna á mjög vel við en myndin er gerð árið 2007.”  og „Fjársjóður í kreppunni”.

Hægt er að hlusta á dóminn í Popplandi þriðjudaginn 6. okt. og er hann um miðja upptöku.

Eiðfaxi.is segir meðal annars „Óður til náttúrunnar og  margar magnaðar senur úr fallegu landslagi Skagafjarðar.” Lesa dóminn og skoða myndir frá frumsýningu.

Hestafréttir.is „Höfundum myndarinnar tekst að sýna dýrmætt samband milli manns og hests og áhorfendur upplifa spennuna þegar þeir eru komnir til Hollands og þann mikla söknuð þegar Þórarinn kveður Kraft.” Lesa frétt og sjá mynd af Tóta og Árna.

847.is þykir myndin með því allra fallegasta sem birst hefur á tjaldinu og segja meðal annars: „Þessi mynd á vafalítið eftir að fara víða og afla íslenska hestinum aukinna vinsælda og vekja áhuga á landinu.” Sjá frétt.

Síðustu sýningar eru í dag fimmtudag og má sjá sýningartíma á miði.is.

Forsala aðgöngumiða á myndina Kraftur – Síðasti spretturinn er hafin á miði.is og í Ástund, Ausurveri. Myndin er 47 mínútna löng og verður sýnd í Sambíói Kringlunni vikuna 1.-7. október. Miðaverð er kr. 900 í forsölu en annars kr. 1000.

Þetta verður sennilega eina tækifærið til að sjá myndina í háskerpu. Frumsýning er miðvikudag 30. sept kl: 18:30. Síðan eru tvær sýningar á dag 1.-7. október. Myndin verður sýnd á Króknum einhverntíma síðar, en það er tvennt ólíkt að sjá þessa mynd í stafrænni háskerpu og í Króksbíó.

Sýningartímar og forsala á Miði.is
Stikla úr myndinni á YouTube

Nú er unnið að gerð heimildamyndar um Verslun Haraldar Júlíussonar á Sauðárkróki.

Haraldur Júlíusson faðir Bjarna stofnaði verslunina árið 1919 og hefur hún starfað óslitið síðan. Upphaflega verslunarhúsið var áður notað sem barnaskóli einnig hýsti það úr og gullsmíðaverkstæði J. Fr. Michelsens. Það verslunarhús sem við þekkjum í dag var byggt 1929 – 1930.

Byggðasafn Skagfirðinga hóf samstarf við Verslun H. Júlíussonar árið 2003, með það að markmiði að varðveita 20. aldar verslunarhætti í Skagafrði.

Stefán Friðrik Friðriksson er leikstjóri myndarinnar, FrikkiFrikk er upptökumaður, Eiríkur Hilmisson sér um hljóðið og framleiðandi er Árni Gunnarsson.

Þann 30. september n.k. verður heimildarmyndin Kraftur eftir Árna Gunnarsson, Þorvarð Björgúlfsson og Steingrím Karlsson frumsýnd í Kringlubíói.

Myndin fjallar um hestinn Kraft og knapann Þórarinn Eymundson. Þeir eru miklir félagar og sigursælt par á keppnisvöllum á Íslandi. Þeim stendur til boða að taka þátt í Heimsmeistaramóti íslenska hestsins í Hollandi 2007 og Tóti þarf að taka erfiðustu ákvöðunina á ferli sínum. Íslenski hesturinn hefur verið einangraður á eyjunni úti í norðri í meira en 1000 ár og vegna smithættu má ekki flytja hesta sem fara út heim til landsins aftur. Fylgst er með þeim félögum hér heima og á heimsmeistaramótinu, velgengni en einnig efasemdum og sálarstríði knapans. Einlæg og hrífandi mynd um samband hests og manns.